上 cpe 你可以 expect 的同學 (內涵與外表)

當你有200人一齊上堂，要講人閒話，真係講到口臭都仲有得講。

譬如話，雨革期間個班「藍絲」講個啲歪理，當你聽到佢啲污染地球既廢話

就真係想唱番隻，話佢傻豬怕佢嬲。

咪以為讀 law 既人，就一定好似法政匯思咁撐民主撐普選

除左「藍絲」，同學入面仲有警渣。你無錯（曾偉雄腔），

對佢地來講，讀多個law course，就等於可以更快升職加人工，唔讀就對唔住佢自已

當然，你唔通真係 expect 佢地好識法律，講 caution statement  個時，會講到你犯左咩例？

都係唔好講佢地，一陣隨時話我 lower their reputations in the right-thinking member of society 咪死，哈！（不過都應該去到底線，無得再低）

班上面有無靚仔靚女呢？靚仔就無，不過最記得有條仔，嘩，我一見到真係...

現實與理想往往差太遠...

佢真係可以次次都著住佢套唔知邊度訂番黎（唔好問我點解知，我係唔會講既，就算講，我都會話我係９估的），窄到無可再窄既西裝上堂。但佢...真係以為自己係日本明星...(謎之聲:咁你心咩跳紅咩面呢? 「無，欣賞佢套衫，係咁多」)

另外又有個成日坐 lecture room 後面，一副成功生意人樣的，其實佢撈得咁掂， 點解仲要讀書，可能真係為興趣

然後又有幾個頗後生的後生仔，黑黑實實，唔知佢係邊度番工，曬到咁鬼黑

不過大部分睇個款都係返寫字樓，白白淨淨個D，但就講唔上型架喇

之後仲有個金毛，睇個款，又係唔知點解要黎讀 law 囉

仲有幾個男同學成日坐後面傾計多過聽書，呢班人真係神台貓屎 -- 神憎鬼厭!

其實講來講去, law course 始終都係男少女多, 下一篇講下我地D女生,哈哈哈.

Government unclear about MERS for travel warnings is disappointing

The cause (not to continue for the holidays in Korea) is, contrary to what that manager (see the video clip) said, very important to cosnumers for obvious reasons. That is, a response level of "Serious" by itself may not be sufficient to automatically discharge the consumers' contractual obligations with travel agents and with other parties. This is, in my opinion, not very fair to those travellers who booked the holidays.

As a side issue, the government's decision to merely call on the public not to travel to Korea unless necessary cries for explanation.

【市民質疑：何不直接發旅遊警告】
【市民質疑：何不直接發旅遊警告】對於特區政府只有衞生署發旅遊健康建議，有旅客提出疑問，認為直接發外遊警示會更清晰。而旅遊業議會主席胡兆英表示，多間大型旅行社基本上同意取消所有 6 月的南韓團，周二會開會決定。＃有線新聞
Posted by 有線新聞 i-Cable News on Monday, June 8, 2015

延伸 : 【新沙士升級】有旅行團明照赴韓 不准退款轉團

最新補充：保安局決定發出紅色外遊警示（你話呢個政府搞乜勁）

去年香港發生的兩件大事

時間：2014年9月　地點：香港

去年香港發生兩件大事。一是雨傘革命，二是我去了讀 law(!) (謎之聲：你只是去讀個 grad dip 而已，一定有必要吹到那麼大嗎 ? )

Anyways, 你或者唔信，每年讀 CPE，亦即係我口中的「去讀 law」的人數，以今個學年(14/15)為例就達到200人以上。於是一開始頭幾堂，係威係勢，坐滿成個 lecture room。究竟點解咁多人想做律師，係咪睇完 3 個女仔 4 個 bra 效應，實在係不得而知。

稍稍解釋一下，係香港要做到 soli 或者 bar，你終極目標係入讀 pcll (未計你搵工)。但係呢樣之前，如果你唔係 LLB 畢業(即如本人一樣)，首先就要讀番一個 law degree，而 cpe 就係其中一個途徑。(另外仲有JD，UoL等等，不過由於呢個 blog 唔係升學 blog，詳情請stfg。)(search the fucking google)

開學之初，同學之間總會問下大家為咩讀呢個Course。(唔講呢Ｄ，唔通講人壞話咩，gossip 呢 d 留番學期後段，你大把機會喎...) 依我觀察，一早立定決心「由此路進」踏上專業人士行列的，10 個當中有 2 - 4 個，其餘都係為了本身的工作才進修，另外也有一些是年紀更大的前輩，純粹過日神。

而我呢，在正式報名之前，忽然抽起條筋想讀書。於是好吧，一係唔做，一做就找些有點難度的去試試，結果好快就鎖定了 CPE。

報名的方式無咩特別，也不需要面試，交了報名費，等通知書，如果收了你，就交學費，然後就等返學，係咁，講完。

然後你會問，開學之前，要唔要準備一下呢，例如買Ｄ參考書之類。其實，學費已經包左textbook，casebook，notes(見上文，係多到你睇唔晒的)，仲會間唔中派一期 law student journal 你「消閒」一下。所以，如果要買咩雞精書，都係開學之後，搵同學商量下再算啦。

「唔係喎，我驚自已讀唔掂喎。」

如果你真係讀唔到掂，其實係讀完一科 English Legal System 之後，係有機會 quit 的。個科上完幾堂，之後就會有個 MC 試。其實正正常常，要 pass，甚至 full mark 都有機會，但如果你真係覺得成個 course 唔岩自已，肥左呢個 mc test 就「應該」唔使繼續讀落去(懶得搵 authority 去 support 呢句 statement，呢樣野到時你自已執生，學費總可以退番既，應該係咁，除非唔係咁)

下一篇文，我打算講下我Ｄ同學壞話。

我要做丁蟹

時值大時代重播，考完最後一科 EU Law，我真係好想好似丁蟹掟佢四個仔落街咁樣，將Contract, Tort, Public Law 同 EU Law 呢四科啲 Textbook, Casebook 連埋啲 Notes 一次過由 IFC 頂樓掉晒落街。

唔覺唔覺，原來 CPE 派既 Notes ，加埋其他「棘瀝框勒」野，全部叠起黎有我半個人咁高（咁我生得矮係事實），我拖住佢地去到 IFC 準備上去天台，點知有個「食Ｑ」問我做乜。

我老實答佢，「無呀，呢啲野唔要架喇，準備拎去摺飛機。」
佢隻眼瞄一瞄，然後話，「咁多 Notes 第時你出黎 “pat tits” 都要用，留。番。佢。」

佢肯定既語氣，學汪亞姐話齋，真係令我個心離一離。OK，Fine。唔理佢，我繼續等車立，不過亦暗忖，嘩做乜呢位望落都幾有台型既保安員，對律師呢行仲熟過我。

「食Ｑ」先生見我無動於衷，一個華麗閃身，擋左係我面前。咁 objectively，佢身體語言係話我知，「有我係度，你今日唔使旨意扮丁蟹。」

「咩事，呢？」我明知故問。
「依家你隨時可以離開，我無 FI 你；我好似一幅牆咁企係度，亦無 Battery 你。你明我講咩嗎？」
「明明明，你講今年 Tort 教過啲野丫嘛，我未至於無記性到好似 Finding Nemo 入面條 Dory 咁。」

不過，唔講又講，講開又講，其實金魚記性唔差的，好多人誤會晒。

入番正題。

「點解既？點解你識呢啲既，唔通你係我師兄，但讀完 CPE … 咁件事好似有少少糟糕喎。」

一般黎講，情節去到呢度，就會「啊，我嚇到扎醒，成身汗，原來日有所思，夜有所夢，嗟。可能考完試太累，唔知點樣訓著左，然後唔知點樣就發左個怪夢。」

讀者諸君，請放心，事實「笨」唔係咁簡單，但容我暫且按下不表，而將時間撥番去九個月前，即係 2014 年 9 月，我正式開始讀 law 個日。